Унаган нутгийнхаа ахан дүүс та бүхэндээ билэгт сайн өдрийн амар амгаланг айлтган мэндчилье!  Эцэг өвгөдөөс өвлөгдөн ирсэн эрдэнэт мал сүргээ өсгөн үржүүлж манай сумын мал сүрэг таван төрөл дээрээ өсч 207 мянган толгой малыг 2021 оны жилийн эцсээр тоолуулаад байна. Өнгөрсөн 2 жилийн хугацаанд улс, аймгийн төсвийн хөрөнгө оруулалтаар 5 тэрбум төгрөгийн хөрөнгө оруулалтыг сумандаа оруулаад байна. Жишээлбэл: Хэрлэн багийн төв, 50 хүүхдийн 2 давхар Цэцэрлэгийн барилгын өргөтгөл, Бохирын 1.8 км шугам цэвэршүүлэх байгууламж, 300 хүний суудалтай Спорт цогцолбор, Хогийн цэгийн менежментийг сайжруулах төв хогийн цэгийг булшлах, шинээр хогийн цэг бий болгох, ЭМТөвийн их засвар, Залуус төгөлийг 1.5 га хашаажуулан 1850 мод тариалж хажууд нь худаг гарган дуслын усалгаажуулсан  зэрэг хөрөнгө оруулалтууд орсон ид бүтээн байгуулалт өрнөж байна.
Монгол орны өнцөг булан бүрт амьдарч байгаа Баянмөнх суманд ажиллаж амьдарч байсан уугуул суугуул иргэдээ сумынхаа түүхт 90 жилийн ойд хүрэлцэн ирэхийг урьж байна. Буурал өвгөдийн цог хийморь тэтгэж Бурхан халдун хайрханы ноён оргил Баянмөнхчүүд биднийг өнө мөнхөд ивээх болтугай.